Pashkët ortodokse, Ambasadori Gonzato takon Kryepeshkopin Joan

Ambasadori i Bashkimit Evropian në Shqipëri, Silvio Gonzato, në një postim në rrjetin e tij social Facebook, në vigjilje të Pashkës, ka bërë të ditur se është takuar me Kryepeshkopin Joan Pelushi.

Gonzato shkruan se gjatë takimit me Kryepeshkopin ka diskutuar për rolin e komunitetit ortodoks në Shqipëri dhe ndikimin që ka Kisha Ortodokse Autoqefale e Shqipërisë në procesin e integrimit në BE.

 “Ishte kënaqësi të takohesha me Kryepeshkopin e Tiranës, Durrësit dhe gjithë Shqipërisë, Joan Pelushi. Në vigjilje të Pashkës, i përcolla urimet e mia më të përzemërta gjithë komunitetit ortodoks. Gjatë takimit diskutuam për rolin e rëndësishëm të komunitetit ortodoks në Shqipëri dhe vlerësova mbështetjen e vazhdueshme të Kishës Ortodokse Autoqefale të Shqipërisë për procesin e integrimit evropian. Ndamë gjithashtu bindjen e përbashkët se bashkësitë fetare duhet të vijojnë të ushqejnë dialogun ndërfetar për të forcuar bashkëjetesën paqësore në shoqërinë shqiptare,” ka shkruar Ambasadori i BE-së, Silvio Gonzato.