PDK zgjedh sot kryetarin e ri të partisë

Partia Demokratike e Kosovës do të mbajë sot konventën, në të cilën pritet të zgjidhet kryetari i ri i partisë.

Sipas PDK-së, kjo konventë është e ndarë në dy pjesë, ku pjesa e parë do të jetë ceremoniale dhe ftohen mediat ta përcjellin këtë ngjarje.

Në konventë do të marrin pjesë 794 delegatë dhe kandidaturën për kryetar të partisë e ka paraqitur vetëm Memli Krasniqi.

Ndërsa ish-ushtruesi i detyrës së PDK-së, Enver Hoxhaj, dy ditë më parë, përmes një konference për media bëri të ditur se nuk do të kandidojë për këtë post.

LEXONI GJITHASHTU:

• Çështja e dialogut Kosovë-Serbi, Kurti dhe Brnabiç replika në Forumin e Prespës
• 100 ditët e para të qeverisë Kurti, analistët kritikë ndaj qeverisjes së kryeministrit
• Kurti në Forumin e Prespës tha se Minishengeni Ballkanik nuk ka vizion për rajonin