Pele në gjendje të rëndë, vajza e legjendës braziliane ndan mesazhin prekës

Gjendja shëndetësore e legjendës braziliane të futbollit, Pele, është përkeqësuar dhe ai nuk po reagon më ndaj kimioterapisë që po merr ndaj kancerit në zorrën e trashë.

Pele tashmë ndodhet në gjendje të rëndë dhe po trajtohet në kujdes intensiv, në spitalin “Albert Einstein” në Sao Paolo, me aparaturat që po e ndihmojnë atë të marrë frymë dhe medikamente për zbutjen e dhimbjes.

Vajza e tij, Kely Nascimento, ndau së fundmi një foto emocionuese në krahët e të atit nga krevati i spitalit.

Pavarësisht raporteve të shumta se Pele, 82 vjeç, po i afrohet humbjes së betejës nga kanceri, Nascimento me sa duket ende beson se babai i saj do të shërohet.

“Ne jemi ende këtu, në luftë dhe në besim! Edhe një natë bashkë”, shkroi ajo krahas fotos së postuar në rrjete sociale.

A lot of news coming out about Pelé, but so far nothing official.

Pelé’s daughter published this picture saying, “We continue in the fight and in faith”. pic.twitter.com/XC87eFrrCx

— Diego Montalvan (@DMontalvan) December 24, 2022

Në foto, Nascimento shihet duke përqafuar të atin, teksa në divanin përballë në dhomën e spitalit, shihet e shtrirë vajza tjetër e Peles.

Komentet e fundit të Pele në Instagram ishin për të uruar Lionel Messin dhe Argjentinën për fitoren e Kupës së Botës FIFA 2022 në Katar .

Vajza e tij kishte konfirmuar më parë se Pele do ta kalonte sezonin e festave në spital së bashku me familjen.

LEXONI GJITHASHTU:

• Përkeqësohet gjendja shëndetësore e Pele
• Messi drejt Barcelonës, zbulohet data e rikthimit në Kamp Nou
• Historiani: Bëni hulumtime, nuk mund të hidhet poshtë fakti që Messi është arbëresh