Pensionistët dhe minatorët protestojnë në Pogradec, kërkojnë mbështetje financiare

Shoqata e Pensionistëve dhe Sindikata e Minatorëve kanë dalë në protestë këtë të mërkurë në qytetin e Pogradecit.

Protesta i është drejtuar qeverisë për rritje të pensioneve dhe paketës së ndihmës.

Sipas tyre, ato janë shumë të ulëta dhe me nivelin e pensioneve që kanë, nuk ja dalin dot për të përballuar kostot e jetesës.

Ata kërkojnë rritje të pensioneve, rritje të paketës së ndihmës, subvencion më të lartë për dritat, ujin dhe energjinë, si edhe më shumë shërbime kundrejt tyre.

Kjo është protesta e parë që zhvillohet nga pensionistët në juglindje të vendit, nisur nga çmimet mjaft të larta me të cilat ata po përballen muajt e fundit.

LEXONI GJITHASHTU

• Pensionistët gjermanë i përgjigjen Ramës: Nuk vijmë në Shqipëri
• Rritja e pensioneve, Rama: Asnjëherë nuk është e mjaftueshme, i kemi mbështetur
• Nga 1 tetori, paga minimale 34 mijë lekë, rriten edhe pensionet