Kryetari i Këshillit të Ministrave në Bosnje dhe Hercegovinë, Zoran Tegeltija deklaroi se Sarajeva zyrtare nuk ka konsensus në lidhje me projektin e Ballkanit të Hapur.

Gjatë fjalës së tij në samitin e zhvilluar në Ohër të Maqedonisë së Veriut, Tegeltija u shpreh se komuniteti i biznesit në Bosnje dhe Hercegovinë e mbështet këtë nismë.

“Unë shpresoj se kushdo që të vijë pas meje do të flasë si anëtar fuqiplotë i Ballkanit të Hapur. Për fat të keq, Bosnje dhe Hercegovina nuk ka konsensus për projektin e Ballkanit të Hapur. Nuk ka përgjigjie, thjesht heshtje. Unë jam këtu sepse e di se komuniteti i biznesit në Bosnje dhe Hercegovinë e mbështet Ballkanin e Hapur. Këtu jam sepse e di që numri më i madh i qytetarëve të Bosnjes dhe Hercegoniës e mbështesin këtë projekt”, tha ai.

Tegeltija nënvizoi se Bosnje dhe Hercegovina është e gatshme të bëhet anëtare e Ballkanit të Hapur dhe të nënshkruajë çdo marrëveshje, nëse do të ketë një konsenus dhe vendim politik në Sarajevë.

LEXONI GJITHASHTU

• Mali i Zi mbështet çdo nismë që sjell progres, thotë Abazoviç
• Rama në Open Balkan: Përtej konfliktit Kosovë-Serbi, të shohim nga e ardhmja
• Vuçiç fton Kosovën në Ballkanin e Hapur: Takimi i radhës të mbahet në Serbi
• Kryeministri i RMV-së në Open Balkan: Ftesa për Albin Kurtin mbetet e hapur