Përjashtim 2-vjeçar për Rusinë, akuzat për manipulim të testeve për doping, CAS përgjysmoi dënimin

Gjykata e arbitrazhit sportiv ka vendosur përgjysmimin e dënimit te dhënë nga Agjencia ndërkombëtare anti-Doping për përjashtimin e Rusisë nga çdo aktivitet ndërkombëtar për shkak të skandalit të zbuluar vite më parë lidhur me manipulimin e përgjigjeve të testeve për doping.

Në Lozane të Zvicrës, CAS nuk pranoi apelimin e federatës ruse, por vendosi që të reduktojë dënimin nga katër vite në dy.

Sportistët rus kanë të drejtë të garojnë në Lojrat Olimpike pa simbolet kombëtare ose nëse përfaqësojnë flamurin e një tjetër vendi.

Në këtë mënyrë Rusia nuk mund të përfaqësohet në Lojërat Olimpike Tokio 2021 si dhe Kampionatet Botërore.

Agjencia e anti-Dopingut akuzoi Rusinë si përgjegjëse për manipulimin e testeve për doping.

Sipas vendimit të CAS, Rusia nuk duhet të garojë në asnjë kompeticion ndërkombëtar, duke përfshirë këtu dhe Kupën e Botës në futboll, por mbetet për tu parë nëse FIFA do e njohë vendimin e Agjencisë Ndërkombëtare Anti-doping.

Pavarësisht akuzave të shumta që nga vitit 2015, Rusia ishte organizatore e kampionatit botëror të vitit 2018.