Përkeqësohet situata në Kosovë, 16 humbje jete në 24 orë nga Covid-19

Rritet numri i të vdekurve nga Covid-19 në Kosovë. Autoritetet njoftojnë se kanë kryer 1566 testime të dyshuara për Covid-19, ndërsa 690 prej tyre kanë rezultuar pozitivë. Lajmi konfirmohet nga Instituti Kombëtar i Shëndetësisë Publike, i cili shton se në 24 orët e fundit 16 qytetarë kanë humbur jetën për shkak të coronavirus.

“Numri total i rasteve pozitive është 30.495 raste nga 122.377 persona të dyshimtë në virusin SARS-CoV-2 dhe 849 raste të vdekjes.   Gjatë 24 orëve të fundit, janë shëruar 337 pacientë derisa numri i përgjithshëm i të shëruarve deri më sot është gjithsej 17.878 raste, kurse numri i rasteve aktive është 11.768’, njofton IKSHPK-ja.

Rastet pozitive në Kosovë:

Rastet pozitive janë nga komuna Prishtinë 277 raste, Gjilan 64 raste, Podujevë 59 raste, Gjakovë 55 raste, Pejë 40 raste, Ferizaj 27 raste, Fushë-Kosovë 25 raste, Viti 23 raste, Prizren 19 raste, Suharekë 16 raste, Lipjan 13 raste, Deçan 11 raste, Klinë 11 raste, Kamenicë 7 raste, Drenas 6 raste, Dragash 5 raste, Shtime 5 raste, Istog 4 raste, Mitrovicë 4 raste, Obiliq 4 raste, Rahovec 4 raste, Vushtrri 3 raste, Kaçanik 2 raste, Malishevë 2 raste dhe me nga 1 rast komunat  Hani i Elezit, Kllokot, Novobërdë dhe Skenderaj.

Ministria e Shëndetësisë fton qytetarët të tregojnë kujdes maksimal, të shmangin grumbullimet masive si dhe të vendosin maskë për të ulur shkallën e përhapjes së coronavirus në popullatë të gjerë.