Përplasja në Mamurras, Gjykata liron policin që plagosi kolegët

Gjykata e Kurbinit ka dhënë masën e sigurisë detyrim paraqitje për efektivin e policisë David Madani, i cili gjatë një përplasjeje në Mamurras plagosi tre persona, mes të cilëve dy kolegët e tij.

E njëjta masë sigurie u dha edhe për shtetasit Gjon Fufi, 40 vjeç dhe Rudolf Fufi, 31 vjeç, ndërkohë, Nikoll Fufi, 36 vjeç ndodhet në spital pasi mbeti i plagosur në ngjarje.

Akuzat që rëndojnë ndaj tre anëtarëve të familjes Fufi, janë “Goditje për shkak të detyrës” dhe “Kanosje për shkak të detyrës në bashkëpunim”.

Ngjarja ndodhi tri ditë më parë, në qendër të qytetit, pasi personat e arrestuar kanë nisur të qëllojnë me mjete të forta patrullën e policisë, moment kur sipas asaj që shpjegon edhe SHÇBA, efektivi Madani ka qëlluar me armë zjarri, duke plagosur njërin nga personat në fjalë, por plumbat kanë prekur aksidentalisht edhe 2 kolegët e tij, Ilir Zeka e Flamur Lleja.

LEXONI GJITHASHTU: 

• Plagosen tre persona në Mamurras, mes tyre dy policë
• Plagosja e trefishtë në Mamurras, arrestohen 4 persona, mes tyre një efektiv policie