Përplasja për Kupën e Italisë, Inter do ndryshime, Juventus e Milan thonë “jo”

Duhen edhe disa ditë deri në nisjen e futbollist në Itali, por përplasjet e para tashmë kanë nisur. Mediat italiane raportojnë se kësaj herë. Molla e sherrit është data për ndeshjet gjysmëfinale të Kupës së Italisë.

Është vendosur që Juventus të luajë në datën 12 qershor përballë Milanit ndërsa Napoli dhe Inter 1 ditë më pas, ndërkohë që finalja është parashikuar në datën 17 qershor.

Zikaltrit kanë kërkuar që të jenë ata që të luajnë të parët pasi në datën 20 qershor kanë ndeshjen e prapambetur kundër Sampdorias ndërkohë që vetëm 4 ditë më vonë do impenjohen po në Serinë A përballë Sasuolos.

 Pra në rastin më të mirë, nëse Inter kualifikohet në finale e kupës së Italisë, mes 13 dhe 24 qershorit do të duhet të luajë 4 ndeshje në më pak se 10 ditë. Një ngarkesë vërtetë shumë e madhe për një skuadër që në datën 8 qershor bën 3 muaj që nuk luan një ndeshje zyrtare futbolli.

Por kërkesa e zi kaltërve është refuzuar si nga Juventus ashtu edhe nga Milan dhe kjo e ka acaruar më shumë situatën aq sa drejtuesit e Interit  mendojnë që në ndeshjen përballë Napolit të zbresin në fushë me ekipin e të rinjve.

Ergi Picaku