Pesë persona të vdekur pas fundosjes së anijes me emigrantë në brigjet greke

Pesë emigrantë kanë vdekur të shtunën si pasojë e fundosjes së anijes në brigjet e Kretës, ka bërë të ditur roja bregdetare e Greqisë.

Sipas saj, rreth 40 persona janë të zhdukur, ndërsa 39 tjerë janë shpëtuar.

Anija është fundosur në jugperëndim të ishullit të Kretës, kanë bërë të ditur autoritetet.

Ato janë në kërkim të zhdukurve qysh prej fundosjes së anijes në orët e para të mëngjesit.

Mediat lokale kanë thënë se disa persona janë shpëtuar me helikopterë dhe janë në kujdes intensiv në spital.

Greqia ka regjistruar këtë vit rritje prej 25 për qind të tentimeve të emigrantëve për të hyrë në këtë shtet.

Greqia është rrugë e njohur për emigrantët dhe refugjatët që synojnë të arrijnë në Bashkimin Evropian prej vendeve të Lindjes së Mesme, Afrikës dhe Azisë.

Në periudhën 2015-2016 besohet se rreth 1 milion njerëz kanë arritur në brigjet greke, kryesisht me gomone.

LEXONI GJITHASHTU:

• Gjashtë emigrantë mbyten në përpjekje për të mbërritur në Ishujt Kanari të Spanjës
• Meloni e vendosur: Qendrat e pritjes së emigrantëve në Shqipëri do jenë funksionale