Pesë të vdekur në Kosovë, prirja e epidemisë mbetet shqetësuese

Pesë persona kanë ndërruar jetë në Kosovë si pasojë e Covid-19. Të dhënat janë bërë publike nga ana e Institutit Kombëtar të Shëndetit Publik, i cili thekson se nga testimet e bëra janë zbuluar edhe 506 raste të reja, duke konfirmuar se situata e epidemisë vijon të mbetet shqetësuese.

Nga fillimi i epidemisë në Kosovë kanë humbur jetën 2105 qytetarë, shumica e të cilëve me sëmundje të tjera bashkëshoqëruese.

“Numri total i rasteve pozitive është 102.742 raste nga 508.333 persona të dyshimtë në virusin SARS-CoV-2 dhe 2.105 raste të vdekjes.Gjatë 24 orëve të fundit, janë shëruar 761 pacientë derisa numri i përgjithshëm i të shëruarve deri më sot është gjithsej 89.141 raste, kurse numri i rasteve aktive është 11.496”, thekson IKSHPK-ja.

Rastet pozitive janë nga komunat:

Prishtinë 86 raste, Mitrovicë 56 raste, Ferizaj 51 raste, Gjilan 49 raste, Podujevë 38 raste, Pejë 31 raste, Fushë-Kosovë 28 raste, Gjakovë 26 raste, Vushtrri 25 raste, Prizren 15 raste, Rahovec 12 raste, Viti 12 raste, Leposaviq 11 raste, Drenas 10 raste, Lipjan 10 raste, Kamenicë 9 raste, Obiliq 9 raste, Klinë 6 raste, Malishevë 6 raste, Kaçanik 4 raste, Hani i Elezit 3 raste, Deçan 2 raste, Shtime 2 raste, Suharekë 2 raste dhe me nga një rast komunat Graçanicë, Skenderaj dhe Istog.

Kosova vijon të përballet me mungesën e vaksinave anti-covid, dhe kjo ka bërë që kundërshtarët politikë të kritikojnë kryeministrin e vendit, Albin Kurtin.