Pësoi goditje në tru, vdes pas aksidentit komediani i njohur

Komediani britanik Gareth Richards, një ish-bashkëprezantues radiofonik i Frank Skinner, ka vdekur pothuajse dy javë pasi pësoi lëndime në tru nga një aksident automobilistik.

Miku i tij i radios Skinner, shpërtheu në lot në emision në ditët pas përplasjes, teksa u tha dëgjuesve se shoku i tij po luftonte për jetën.

Richards vdiq nga plagët e marra të premten, tha gruaja e tij Laura përmes një postimi në rrjete sociale.

“Ai u përfshi në një aksident të tmerrshëm me makinë të hënën e 27 marsit në orën 23:30 dhe pësoi lëndime të rënda në tru”, shkroi ajo.

“Ishte një mrekulli që ai mbërriti i gjallë në spital. Që atëherë, mjekët dhe infermierët kanë qenë të jashtëzakonshëm dhe e kanë mbajtur atë në një gjendje të qëndrueshme dhe të qetë.

Sidoqoftë, skanimi i fundit zbuloi se shkalla e dëmtimit ishte aq e rëndë sa që do të duhej të hiqnin të gjitha medikamentet mbështetëse dhe ta lejonin atë të vdiste në paqe”, vijoi gruaja e komedianit.

Homazhe të shumta ka pasur nga miqtë e tij në rrjete sociale, nga komedianët më ët njohur britanikë, përfshirë Adam Kay, i cili shkroi në Tëitter: “Trishtim i papërshkueshëm për Gareth Richards.

LEXONI GJITHASHTU:

• Vdes në moshën 91-vjeçare ish ministri i britanik
• “Do vdesim 7 minuta dhe do kthehemi përsëri”! Do jetë normale sipas Helidon Halitit