Pezeshkian: Nuk kemi ndërmend të pushtojmë vendet fqinje, u kërkoj falje që i sulmuam

Presidenti i Iranit, Masoud Pezeshkian ka dhënë një mesazh video në televizionin shtetëror iranian duke deklaruar se nuk pranojnë kushtin e SHBA për dorëzim pa kushte. Ai gjithashtu theksoi se e konsideron të nevojshme t’u kërkojë falje vendeve fqinje që u sulmuan.

“Nuk kemi ndërmend të pushtojmë vendet fqinje”, tha ai teksa bëri thirrje për bashkëpunim rajonal për të vendosur paqen dhe qetësinë.

Pezeshkian shton se një vendim udhëheqës është lëshuar për forcat e armatosura që të mos sulmojnë vendet fqinje. Sipas tij kjo do të ndodhë nëse  ata nuk sulmohen të parët.

“Ata që po mendojnë të shfrytëzojnë këtë moment për të sulmuar Iranin nuk duhet të bëhen kukulla të imperializmit”, tha ai duke shtuar se mbështetja e Izraelit ose SHBA-së nuk është një rrugë drejt nderit dhe lirisë.