Philip Reeker vjen nesër në Tiranë, takime me Ramën dhe Bashën

Zv. Ndihmës Sekretari për Evropën dhe Euroazinë në Departamentin Amerikan të Shtetit, Philip T. Reeker do të vizitojë nesër Shqipërinë.

Gjatë vizitës në Tiranë më 30 qershor, Reeker do të takohet me Kryeministrin, Edi Rama si dhe zyrtarë të tjerë për të diskutuar mbi marrëdhëniet SHBA-Shqipëri dhe problemet që shqetësojnë të dy vendet.

Zyra për mediat e kryeministrit njofton se takimi mes Ramës dhe Reeker do të mbahet në Kryeministri rreth orës 10:30 ndërsa njoftohet se nuk do të ketë konferencë për shtyp në përfundim.

Ndërkohë në orën 11:40, Rekeer do të takohet me Bashë bëhet e ditur nga zyra për marrëdhënien me mediat në Partinë Demokratike.

Zyrtari i DASH ndodhet aktualisht në një tur vizitash në Evropë ku pas vizitës në Tiranë do të udhëtojë për në Ohër.

Reeker do të marrë pjesë në konferencën “Rruga e Prespës”, ku do të theksohet mbështetja që SHBA vazhdojnë të japin për dialogun dhe bashkëpunimin për stabilitet dhe zhvillim të mëtejshëm në rajon.

LEXONI GJITHASHTU:

• Roli i SHBA në dialogun Kosovë-Serbi, Philip Reeker mirëpret dhe mbështet rifillimin e dialogut në Bruksel
• Takimi Lajčák-Reeker: Bashkëpunim i ngushtë për dialogun Kosovë-Serbi