Të paktën 12 persona u plagosën në një të shtëna jashtë një pijetoreje në Toronto në Kanada. Katër persona kanë marrë lëndime jo të rrezikshme për jetën pas incidentit në lagjen Scarborough në lindje të qendrës së Torontos, tha policia . Nuk dihet shkalla e lëndimeve të viktimave të mbetura.

Policia është në kërkim të autorit. Sulmuesi i dyshuar kishte veshur një kapuç të zi dhe u pa duke ikur me një makinë argjendi, tha policia, sipas CBC.

Kryebashkiaku i Torontos tha se “të gjitha burimet e nevojshme” janë duke u vendosur pas të shtënave dhe një hetim mbi incidentin është duke vazhduar.

“Jam thellësisht e shqetësuar kur dëgjoj raporte për të shtënat në një pijetore në Scarborough,” shkroi Olivia Chow në një postim në X. “Mendimet e mia janë me viktimat dhe familjet e tyre.”

LEXONI GJITHASHTU:

• Presidenti Trump: Nuk ka më vend që tarifat për Kanadanë dhe Meksikën, të shmangen
• Kina dhe Kanadaja hakmerren me hyrjen në fuqi të tarifave të Trump