Plagosi bashkëfshatarin pas sherrit për pronën, arrestohet 66-vjeçari në Lezhë

Policia e Lezhës ka arrestuar 66-vjeçarin Gjin Gjini, i cili akuzohet se plagosi me armë zjarri mëngjesin e sotëm në fshatin Balldre 43-vjeçarin Hile Gjini.  

Uniformat blu bëjnë me dije se 66-vjeçari ka plagosur në këmbë me armë 43-vjeçarin, pasi një sherri për pronën.

“Policia e Lezhës, menjëherë pas njoftimit të marrë për ngjarjen e ndodhur në fshatin Balldre, Lezhë, organizoi punën dhe falë reagimit në kohë dhe veprimeve të shpejta e profesionale bëri të mundur që pas dy orë ndjekjeje dhe kërkimesh, falë edhe mbështetjes së qytetarëve, të kapë  në rrethinat e fshatit Balldre dhe të vërë në pranga shtetasin Gj. Gj., 69 vjeç, banues në Balldre.

Ky shtetas dyshohet se për motive pronësie ka plagosur në këmbë, me armë zjarri, shtetasin H. Gj., i cili ndodhet në spital, nën kujdesin e mjekëve, jashtë rrezikut për jetën”, thuhet në njoftimin e Policisë.

Ngjarja e rëndë ndodhi ndodhi mëngjesin e sotëm, sapo 43-vjeçari doli nga shtëpia për të dërguar fëmijët në shkollë.

Gjini debatoi me bashkëfshatarin e tij dhe menjëherë ky i fundit e qëlloi  me 2 plumba në këmbë.

Pas plagosjes Hile Gjini qëndroi në automjetin e tij me fëmijët dhe bashkëshorten deri sa mbërriti policia dhe autoambulanca.

Lexoni gjithashtu:

Po dërgonte fëmijët në shkollë, plagoset me 2 plumba në këmbë 43-vjeçari në Lezhë