Plagosi të vëllanë pas konfliktit në lokal, arrestohet 61-vjeçari

Policia në Korçë ka arrestuar një 61-vjeçar pasi akuzohet për plagosjen e vëllait të tij. Ngjarja mësohet se ka ndodhur në fshatin Liqenas, Pustec, rreth orës 14:40, në ambientet e një lokali.

I arrestuari Koçi Mitre, rreth 61 vjeç, për motive të dobëta, ka goditur me mjet të mprehtë (thikë) vëllain e tij, P. Mitre, rreth 59 vjeç.

I plagosuri ndodhet në Spitalin e Korçës, nën kujdesin e mjekëve, ndërsa 61-vjeçari është shoqëruar në Komisariat për veprime të mëtejshme procedurale.

Mësohet se vëllezërit Mitre kanë qenë duke pirë alkool në një lokal në tavolina të ndara nga njëri tjetri. Aty ku dhe kanë debatuar me njëri-tjetrin duke çuar dhe në përplasje fizike.