Plagosja e sekretarit të PD-së në Kavajë, arrestohen 3 autorët e dyshuar

Arrestohen 3 personat e shpallur në kërkim si autorë të dyshuar të plagosjes së sekretarit të PD në Kavajë.

Në pranga janë vënë Ndriçim Jonuzi, Dorian Troplini dhe Markel Shtylla.

Të arrestuarit janë në komisariatin e policisë Kavajë.

Ngjarja e rëndë ndodhi pasditen e së hënës në një zyrë elektorale të PD-së në qytetin e Kavajës, ku mbeti i plagosur Bledar Oshtuni.

Një ditë pas ngjarjes Ndriçim Jonuzi nëpërmjet një video-je në rrjetet sociale tha se gjithçka që ndodhi nuk ka të bëjë me politikën.

Ai theksoi se nuk është simpatizant i Partisë Socialiste, madje sipas tij ka kontribuuar për vite me radhë për Partinë Demokratike.

Ndërkohë, Lulzim Basha e cilësoi ngjarjen një atentat ndaj PD nga një kryeministër që e di se do të humbë zgjedhjet.

Ndërsa, kreu i qeverisë në një intervistë në “Ilva Now” tha se ngjarja ishte një zënkë ordinere.

Kryeministri shtoi më tej se situatat e tensionuara po krijohen kryesisht nga LSI që sipas tij do të marrë një rezultat shumë të dobët në zgjedhjet e 25 prillit.

Lexoni gjithashtu:

Rama përgjigjet në “Ilva Now” për ngjarjen në Kavajë: Ishte zënkë ordinere, Basha tregoi se është bedel i Berishës

PD këmbëngul se sulmi me armë në Kavajë kishte prapavijë politike

Plagosi sekretarin e PD-së, autori flet nga arratia: S’jam socialist dhe as krenar për ngjarjen