Plagosja te zyrat e PD në Kavajë, burg pa afat për Jonuzin, dy bashkëpunëtorët në arrest shtëpie

Gjykata e Kavajës ka dhënë masën e sigurisë Arrest me Burg për Ndriçim Jonuzi (Tahiri), i akuzuar për plagosjen e Bledar Okshtunit, ngjarje e ndodhur në brendësi të zyrave elektorale të Partisë Demokratike Kavajë.

Ndërsa për dy të arrestuarit e tjerë, Dorjan Troplini dhe Markel Shtylla, të akuzuar si bashkëpunëtorë në fshehjen e ngjarjes, gjykata ka vendosur arrest shtëpie.

Gjatë seancës gjyqësore, të arrestuarit shprehën pendesë për veprimin, duke pohuar se nuk ndihen krenarë për çfarë ndodhi. Ngjarja solli reagime të forta politike, duke çuar në vendngjarje edhe presidentin Meta, si dhe kryetarin e Partisë Demokratike, Lulzim Basha.