Plani i ri për Superkupën, nga Evropa drejt Amerikës, kompeticioni me 4 skuadra

Superkupa e Evropës mund të mos ekzistojë më prej vitit 2024, pas idesë për krijimin e një minikompeticioni të ri.

UEFA ka menduar zëvendësimin e trofeut në fjalë, me një tjetër strukturë e cila do të përbëhet nga ndeshjet gjysmëfinale dhe finale. Klubet pjesëmarrëse do të jenë, fituesit e Champions, Europa dhe Conference League. Ndërkohë katërshja do të plotësohet dhe me një ekip të Major League Soccer.

UEFA synon shtrirjen edhe më të gjerë në tregun amerikan, ndaj po mendon që vendi pritës i këtij kompeticioni me 4 skuadra, në sezonin e parë të jetë pikërisht Amerika. Ndërkohë në vitin pasues do të vendoset në një vend tjetër, teksa diskutimi do të përfshijë ligat e mëdha evropiane.

Marrëveshja e re e UEFA-s për të drejtat e transmetimit në gjuhën angleze në SHBA për garat evropiane të klubeve për meshkuj ka një përmirësim me 150% nga ajo ekzistuese. Ndërkohë që plani është dhe për zhvillimin e ndeshjeve të fazës së grupeve, eliminimit direkt apo dhe finales jashtë kontinentit, por kjo do të diskutohet me klubet. Diçka e tillë ka ndodhur dhe me sporte të tjera, ku regbi i zhvillon ndeshjet në Londër.

LEXONI GJITHASHTU:

• Duka: Të lejmë 2 kulla pa bërë, të bëjmë fusha futbolli në Tiranë
• Mbyllet merkatoja e futbollistëve, cilat janë ekipet me blerjet më të mira