Planifikuan sulme ndaj emigrantëve, Gjermania godet organizatën terroriste

Prokurorët federalë gjermanë kanë ndërmarrë një operacion kundër një celule të dyshuar ekstremiste të djathtë, e cila dyshohet se po planifikonte sulme të dhunshme kundër refugjatëve dhe kundërshtarëve politikë.

Në një seri bastisjesh të zhvilluara në orët e para të mëngjesit të së mërkurës, u arrestuan pesë persona të moshës 14 deri në 18 vjeç në landet Meklenburg-Vorpomern, Brandenburg dhe Hese, njoftoi Prokuroria Federale.

Të rinjtë dyshohet se janë anëtarë të një grupi që e quan veten “Vala e Fundit e Mbrojtjes”, i cili synon përmbysjen e rendit demokratik në Gjermani përmes akteve të dhunës. “Pjesëtarët e kësaj organizate e shohin veten si vijë të fundit të mbrojtjes për ‘kombin gjerman’”, thanë autoritetet.

Katër prej të ndaluarve përballen me akuza për pjesëmarrje në një organizatë terroriste, ndërsa një tjetër për mbështetje të saj. Prokuroria ka përfshirë gjithashtu në hetime akuzat për vrasje, zjarrvënie dhe dëmtim prone.

LEXONI GJITHASHTU:

• Shpërthim gazi në një ndërtesë banimi në Rusi, tre të plagosur
• U gjet lëndë plasëse e lidhur me celular, policia njoftim për eksplozivin në Durrës