Plotësimi i vakancave në Kushtetuese, kandidati Altin Binaj intervistohet përpara anëtarëve të KED-së

Këshilli i Emërimeve në Drejtësi hedh një hap të rëndësishëm drejt zgjedhjes së një prej kandidatëve për Gjyakatën Kushtetuese, vakancë e shpallur nga Kuvendi i Shqipërisë.

Si pjesë e procesit, është intervistuar të premten kandidati Altin Binaj përpara anëtarëve të KED duke paraqitur kështu platformën e tij për kandidimin.

Mbledhja do të vijojë ditën e hënë, më 14 dhjetor ku do të diskutohet dhe miratohet lista përfundimtare  të renditjes pas pikëzimit të gjithë kandidatëve.

Pas kësaj lista do t’i dërgohet Kuvendit i cili ka 30 kohë të zgjedhë një anëtar.

Po ashtu Këshilli i Emërimeve në Drejtësi ka shqyrtuar edhe kandidatët për vendin vakant të shpallur nga Presidenti ku është kualifikuar për të vazhduar garën Përparim Kalo.

Ndërsa kandidati tjetër Kaljdi Mone nuk u kualifikua për shkak të mangësive në dokumentacion.