Po kontrabandonte produkte ushqimore, në pranga 58 vjeçari në Shkodër

Një 58-vjeçar është arrestuar mbrëmjen e sotme në Shkodër pasi është kapur duke kontrabanduar produkte të ndryshme ushqimore.

Policia bën me dije se në pranga ka rënë A. Ç. banues në lagjen Salo Halili, Shkodër, i cili u kap në hyrje të kufirit të Hanit të Hotit.

Gjatë kontrollit të ushtruar në automjetin tip “Benz” u gjetën dhe u sekuestruan produkte të ndryshme ushqimore, të cilat 58-vjeçari nuk i kishte deklaruar.

Produktet ushqimore janë sekuestruar nga policia, ndërsa 58-vjeçari do përballet me veprat penale “Tregtimi dhe transportimi i mallrave kontrabandë” dhe “Fshehja e të ardhurave”.

Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.

LEXONI GJITHASHTU: 

• Sekuestrohen produkte ushqimore në Shkodër, në pranga 58 vjeçari
• 150 të shoqëruar në Shkodër, aksion për mashtrimet në call-center