Po pastrohen para me kullat? Arben Meçe: Nuk e bën investitori, por blerësi

Inxhineri Arben Meçe thotë se pastrimi i parasë në sektorin e ndërtimit,  konkretisht me kullat shumëkatëshe në Tiranë, nuk bëhet nga investitori, por nga blerësi.

Në një intervistë për Euronews Albania, Meçe u shpreh se tanimë ka mekanizma, të cilat kontrollojnë investitorët.

“Procesi i ndërtimit në Shqipëri ka pasur një teknologji që ka ndryshuar tashmë në marrëdhënie me investitorin. Nëse deri 5 vjet më parë, investitorët hapnin themelin dhe e shisnin në themel ndërtimin, tashmë investitorët, të cilët janë fuqizuar, nuk ndjekin më këtë skemë.

Që kur fillon themelet, duhet të deklarosh paratë. Kur ndërtohet, të pyesin ku i gjete paratë? Nuk është pastrimi i parasë që ngre çmimin, është tregu. Përdoret në mënyrë populiste pastrimi i parasë dhe harroni që ne jemi pjesë e kësaj loje. Nuk e bën investitori pastrimin e parasë, e bën blerësi pastrimin e parasë”, theksoi ai.

Vlera e lejeve të ndërtimit të dhëna në Tiranë përgjatë dy viteve 2020 dhe 2021 arrin në rreth 800 milionë euro.

327 milionë euro është vlera e atyre të dhëna në 2020 dhe rreth 470 milionë euro e lejeve të dhëna në 2021.

600 milionë euro përllogaritet shuma e investimit për godina shumëkatëshe, si për banim ashtu edhe për hoteleri, qendra tregtare apo aktivitete të tjera biznesi.

LEXONI GJITHASHTU

• Arben Meçe: Në Tiranë problem janë shtëpitë e vogla, jo kullat
• Eksperti: Mbi 3 mijë vdekje në Tiranë në vitin 2021 për shkak të ndotjes
• Inxhinieri Arben Meçe: Ka ende hapësirë në Tiranë për ndërtimin e kullave të tjera