“Po shkojmë drejt sovranizmit”, Peka: Vala Macron do kapë edhe Shqipërinë

Eksperti i sigurisë Avenir Peka, i ftuar në NOW me Erla Mëhillin në Euronews Albania parashikojë se për dy vite Evropa do të ndryshojë rrënjësisht.

Sipas tij ka disa faktorë që ndikojë në rritjen e ekstremit të djathtë në Francë dhe në të gjithë botën, ku më e rëndësishmja sipas tij është migrimi i paligjshëm.

Eksperti shprehet se kjo valë e re politike shumë shpejt do të prekë Ballkanin dhe Shqipërinë.

“Europa në dy vite ka për të qenë një Europë krejt tjetër. Ka vazhduar me Brexit, me Donalt Trump dhe po vazhdon me Hungarinë, Francën dhe Holandën dhe do të vazhdojë me Britaninë, Austrinë, Gjermaninë dhe Japoninë. Ka një ngritje drejt estabilishmentit politik dhe arsyeja janë disa faktorë. E para është deindustrializimi i gjithë perëndimit, e dyta është plakja e popullsisë dhe e treta është migracioni i paligjshëm. Ajo çfarë shihet në Francë është shkuarja drejt sovranizmit dhe ajo çfarë shohim në Francë do të shpërndahet në të gjithë botën. Do ta kemi dhe vitin tjetër në Ballkan dhe në Shqipëri” tha Peka.

LEXO GJITHASHTU:

• Presidenca franceze mesazh për ndarjen nga jeta të shkrimtarit Ismail Kadare
• Francë, partitë e majta dhe qendrës thirrje për bashkim kundër të djathtës ekstreme