Pochettino justifikohet për zëvendësimin e Messit ndaj Lyonit

Trajneri i Paris Saint-Germain, Maurizio Pochettino, ka mbrojtur vendimin e tij për të zëvendësuar Lionel Messin në ndeshjen e fundjavës.

Në një deklaratë për shtyp, Pochettino tha se është në postin e trajnerit “për të marrë vendime” gjë që “mund të pëlqehen, mund dhe të mos pëlqehen”.

Messi u zëvendësua në mënyrë të beftë gjatë ndeshjes kundër Olympique Lyon në fundjavë. Ishte minuta e 76-të kur ai u largua nga fusha në vend të Hakimit. Mimika e tij në momentin e zëvendësimit u bë menjëherë virale në internet.

Në atë moment rezultati ishte 1-1, por PSG ia doli ta fitojë ndeshjen falë golit të Mauro Icardit në fund.

“Duhet të marrim vendime për të mirën e skuadrës. Ka raste që vendimet kanë rezultate pozitive, por ka dhe raste që nuk kanë. Unë jam këtu për t’i marrë këto vendime,” – u justifikua Pochettino, telefonata e të cilit mendohet se ndikoi në momentin e transferimit të Messit gjatë verës në Paris.

Pas 6 javësh kampionat francez, PSG kryeson me pikë të plota (18), pesë më shumë se Olympique Marseille e vendit të dytë.