Policia arreston 24-vjeçarin, qarkullonte me armë me silenciator

Efektivët e komisariatit nr. 1 kanë arrestuar një 24-vjeçar të dënuar edhe më parë.

Wasim Hajazi, me shtetësi shqiptare u kap me 2 armë (njëra me silenciator), 2 thika, 1 dorezë hekuri, municion luftarak dhe kapele me mbishkrimin Policia.

24-vjeçari po udhëtonte me një mjet tip “Benz” dhe është ndaluar në rrugën “Fuat Toptani” për kontroll. Sapo ka parë policinë Hajazi ka tentuar të largohet me vrap duke i hedhur të gjitha sendet e jashtëligjshme që kishte me vete.

Më parë ai ka qenë i dënuar për trafik të qenieve njerëzore dhe drejtim i mjetit në mënyrë të parregullt.

Policia nuk ka dhënë ende asnjë informacion të detajuar mbi ngjarjen dhe qytetarin e arrestuar.

LEXONI GJITHASHTU: 

• Lëvizte me armë pa leje, arrestohet 17-vjeçari në Durrës
• Arrestohet 41-vjeçari i shpallur në kërkim nga DEA amerikane për drogë dhe pastrimin parash
• Transportonte 68 emigrantë të paligjshëm me kamion drejt Tiranës, arrestohet 40-vjeçari