Policia e Kosovës konfiskon flamurin serb në Gazimestan

Pjesëtarët e Policisë së Kosovës po vazhdojnë me planin operacional për të siguruar mbarëvajtjen e qetë të kremtimit të Vidovdanit në Kosovë, raporton KosovaPress.

Efektivët e policisë në Gazimestan nuk kanë lejuar provokimet e mundshme të qytetarëve serbë. Pasi kanë zhveshur bluzat e të rinjve serbë, pjesëtarët e policisë kanë marrë edhe flamurin e Serbisë, të cilën mbanin në duar të rinjtë serbë.

Krahasuar me vitet e mëhershme, këtë vit po vërehet një numër më i vogël i shtetasve serbë, të cilët kanë ardhur në Graçanicë dhe Gazimestan për të kremtuar Vidovdanin, që ndërlidhet me përvjetorin e 630-të të Betejës së Kosovës, të cilën historia serbe e njeh si fitore shpirtërore të saj, pavarësisht një humbjeje të madhe të forcave ballkanike dhe vrasjes së princit serb, Llazar.

LEXONI GJITHASHTU:

• Vuçiç publikon hartën e Kosovës të mbuluar nga flamuri serb, reagon ambasada amerikane
• Serbët heqin flamurin shqiptar nga lapidari i dëshmorit në Luginën e Preshevës