Policia e Kosovës ka deklaruar se nuk ka përdorur gaz lotsjellës për të shpërndarë protestën e veteranëve të Ushtrisë Çlirimtare të Kosovës (UÇK).

Përmes një deklaratë për mediat, policia shprehet se protestuesit kanë tentuar të hyjnë me forcë në ambientet e Kuvendit të Kosovës dhe kanë kanë hedhur sende të ndryshme dhe tymyese në drejtim të policisë.

Si pasojë e sulmit dhe hedhjes së mjeteve të ndryshme, dy zyrtarë policorë janë lënduar dhe po marrin trajtim mjekësor.

Kjo protestë u thirr në shenjë pakënaqësie për mospërfshirjen e veteranëve në rritjen e pagës minimale.

Pensioni i veteranëve është i njëjtë me pagën minimale në Kosovë, por në projektligjin e miratuar nga Qeveria e Kosovës për rritje të kësaj page, nuk është përfshirë edhe rritja e pensionit të veteranëve.

LEXONI GJITHASHTU

• Policia hedh gaz lotsjellës në protestën e veteranëve të UÇK-së, një i plagosur

• ​Veteranët e UÇK-së protestojnë sot në Kosovë për pagën minimale