Policia greke arreston të shumëkërkuarin për vrasje në Shqipëri

Policia greke, në bashkëpunim me atë shqiptare, ka mundur të pikasë dhe arrestojë 50-vjeçarin Arben Muça, i dënuar me 23 vite burg për vrasje.

Pesëdhjetëvjeçari kishte mundur të largohej nga Shqipëria dhe ishte shpërngulur në Lamia, 215 kilometra në veriperëndim të Athinës.

Policia shqiptare njoftoi të martën se pas shkëmbimit të informacioneve me zyrën e Interpolit në Tiranë dhe asaj të Interpolit në Athinë, autoritetet kanë mundur ta zbulojnë vendndodhjen e Muçës dhe fill më pas kanë ta arrestojnë.

Ai tashmë do të ekstradohet për në Shqipëri për të shlyer dënimin me 23 vite burg për një vrasje të ndodhur në vitin 1998 në Kombinat të Tiranës.