Policia i prish festën Princit Andrew, e arreston për datëlindje e tij! Mbushte sot 66-vjeç

Një zhvillim tronditës ka shënuar pikërisht ditën kur ai feston 66-vjetorin e lindjes. Andrew Mountbatten-Windsor, vëllai i Charles III, është arrestuar nën dyshimin për shpërdorim detyre dhe gjithçka ka ndodhur më 19 shkurt, në ditën kur ai mbush 66 vjeç.

Sipas raportimit të BBC, kjo është hera e parë që ish-princi përballet me një arrestim të tillë, pas një periudhe të gjatë polemikash dhe akuzash që e kanë shoqëruar emrin e tij, përfshirë lidhjet e pretenduara me financierin e dënuar për abuzime seksuale Jeffrey Epstein. Andrew i ka mohuar vazhdimisht dhe me forcë të gjitha akuzat për shkelje.

Autoritetet njoftuan se:

“Si pjesë e hetimit, sot (19/2) kemi arrestuar një burrë në të gjashtëdhjetat nga Norfolku me dyshimin për sjellje të keqe në detyrën publike dhe po kryejmë kërkime në adresa në Berkshire dhe Norfolk.
Burri mbetet në paraburgim policor për momentin. Nuk do ta bëjmë të ditur emrin e të arrestuarit, sipas udhëzimeve kombëtare.”

Ndihmës Shefi i Policisë, Oliver Wright, konfirmoi se është hapur një hetim për pretendimet për sjellje të keqe në detyrën publike.

“Është e rëndësishme që ne të mbrojmë integritetin dhe objektivitetin e hetimit tonë, ndërsa punojmë me partnerët tanë për të hetuar këtë vepër të dyshuar penale”, deklaroi ai.