Policia sekuestron 150 mijë € pasuri

Policia ka sekuestruar pasurinë e dy vëllezërve, Arjel dhe Oltjon Legisi, shifra e të cilës arrin deri në 150 mijë €.

Dy vëllezërit kanë pasur precedentë të mëparshëm penal në trafikim personash të rritur dhe prostitucion.

Arjel Legisi, 30 vjeç është arrestuar në Spanjë në vitin 2018 ndërsa Oltjon Legisi, 30 vjeç është nën hetim nga autoritetet spanjolle.

Sekuestrimi i pasurive të vëllezërve dhe familjarëve të tyre është bërë në kuadër të gjurmimit të pasurive që rrjedhin nga veprimtaria kriminale.

Policia njoftoi se nën drejtimin e Prokurorisë po vijon puna për të zbuluar asete të tjera që këta shtetas dhe familjarët e tyre mund t’i kenë regjistruar në emër të personave të tjerë.

LEXONI GJITHASHTU: 

• 4 turistë rusë gjenden të pajetë në saunën e një hoteli në Qerret
• U hodhën nga dritarja për t’i shpëtuar flakëve, humb jetën 1 person