Nuredin Dumani në kërkim nga policia si i dyshuar për vrasjen e Bujar Çelës në Elbasan

Nuredin Dumani, 37 vjeç, u shpall të premten në kërkim nga policia si autor i vrasjes së Bujar Çelës në Bradashesh të Elbasanit një muaj më parë.

Sikurse Euronews Albania raportoi të enjten, policia dhe prokuroria kanë mundur ta zbardhin ngjarjen e ndodhur më 17 shtator, ku Bujar Çela u ekzekutua teksa konsumonte kafen e mëngjesit.

Autoritetet dyshojnë se përveç Dumanit, në vrasjen e Çelës kanë marrë pjesë edhe persona të tjerë, të cilët po hetohet për t’i identifikuar.

Tridhjeteshtatëvjeçari rezulton të jetë i implikuar edhe në krime të tjera, ndërsa vlen të thuhet se ai dhe Talo Çela, i vëllai i viktimës, ishin të dyshuar kryesorë për vrasjen e vëllezërve Besmir dhe Viktor Haxhia në Durrës në fund të muajit qershor.

Për kapjen e Çelës policia kishte vendosur 10 mijë euro shpërblim, ndërsa ai akuzohet të ketë lidhje edhe me një grabitje prej miliona eurosh në aeroportin e Rinasit.

Lexoni gjithashtu:

Ekzekutimi i vëllait të të shumëkërkuarit për grabitjen e Rinasit, gazetari i Euronews Albania sjell detajet

I dyshuar për vrasjen e dy vëllezërve, policia vë në dispozicion 10 mijë euro për kapjen e të shumëkërkuarit

Vritet në një atentat në Elbasan vëllai i të shumëkërkuarit Talo Çela