Politika uron Pashkët ortodokse, Meta, Rama, Ruçi dhe Basha mesazhe në rrjetet sociale

Urimet për Pashkën ortodokse politikanët shqiptarë i kanë përcjellë të gjithë nëpërmjet rrjeteve sociale.

“Drita e kësaj Dite të Shenjtë të ngrohë zemrat dhe të ndriçojë gjithmonë familjet tuaja me shpresë, mbarësi dhe gëzim!” – uroi presidenti Meta në Facebook nëpërmjet një fotoje të tij dhe bashkëshortes, Monika Kryemadhi.

I sapo futur në rrjetet sociale, në Facebook, nuk mungoi as mesazhi i kryetarit të Kuvendit Gramoz Ruci.

“Ata që pushtohen nga urrejtja e mëritë duhet dhe do të çlirohen prej tyre, ata që humbasin fuqinë dhe besimin, një ditë do t’i rifitojnë ato,” – shkroi ai.

“Gëzuar Pashkët ortodokse,” – ishte urimi i shkurtër i kryeministrit Rama, ndërsa lideri i opozitës Lulzim Basha në mesazhin e tij flet për luftën ndaj padrejtësisë.

“Drita e ringjalljes i mbushtë zemrat tuaja dhe vatrat e çdo familje shqiptare plot me shpresë dhe besim se e mira do të mundë çdo sfidë, dhimbje dhe padrejtësi,” – shkroi kryedemokrati.

LEXONI GJITHASHTU:

• Pashkë në një familje korçare, gatimet tradicionale dhe urimet nën trishtimin e pandemisë
• Besimtarët ortodoksë kremtojnë festën e Pashkës
• Kremtohen pashkët në Korçë, pandemia ndryshon oraret për besimtarët që marrin zjarrin në Kishë