“Politikanët të mos bëjnë supozime”, thirrja e ambasadores Kim pas mbylljes së votimit

Ambasadorja amerikane, Yuri Kim ka reaguar pas mbylljes së procesit të votimit për zgjedhjet e 25 prillit. Përmes një postimi në Twitter diplomatja amerikane shprehet se tashmë që qytetarët shqiptarë shprehën vullnetin e tyre me votë, u takon autoriteteve të zbatimit të ligjit që të sigurojnë integritetin e votës.

Ambadorja e SHBA i bën thirrje liderëve të partive të mos supozojnë rezultate, por të të pranojnë gjykimin e votuesve kur përfundon numërimi.

“Votuesit në në Shqipëri moën pjesë në numër të lartë për të shprehur vullnetin e tyre. Autoritetet zgjedhore dhe ato të zbatimit të ligjit kanë për detyrë të sigurojnë integritetin e votës. Kandidatët dhe udhëheqësit, gjithashtu, kanë detyrën e tyre: të mos supozojnë rezultate, por të pranojnë gjykimin e votuesve kur të mbarojë numërimi”, shkroi ambasadorja në Twitter.