Popullsia globale e refugjatëve arrin 100 milionë për herë të parë, sipas OKB

Të dhënat te reja nga UNHCR, Agjencia e OKB-së për Refugjatët, tregojnë se numri i njerëzve të detyruar që ikin nga konflikti, dhuna, shkeljet e të drejtave të njeriut dhe persekutimi në mbarë botën ka arritur shifrën prej 100 milionë për herë të parë në rekord.

Komisioneri i Lartë i OKB-së për Refugjatët, Filippo Grandi tha se kjo është një shifër e zymtë, kthjelluese dhe alarmante në të njëjtën kohë.

Sipas tij, kjo shifër shtë një rekord që nuk duhet të ishte vendosur kurrë, shkruan Sky News.

“Përgjigja ndërkombëtare ndaj njerëzve që ikin nga lufta në Ukrainë ka qenë jashtëzakonisht pozitive”, shtoi Grandi.

Për të ndryshuar këtë prirje, e vetmja përgjigje është paqja dhe stabiliteti, në mënyrë që njerëzit e pafajshëm të mos detyrohen të mërgojnë, përfundoi ai.

Ndërsa, mbi 6 milionë refugjatë ukrainas janë zhvendosur për shkak të luftës me Rusinë, sipas një raporti të fundit të OKB.

LEXONI GJITHASHTU

• Familja Mbretërore Britanike strehon refugjatët ukrainas
• Më shumë se 700 mijë refugjatë ukrainas janë regjistruar në Gjermani