Portieri Etrit Berisha kërkon maksimumin nga shokët e skuadrës

Portieri i Kombëtares së Shqipërisë, Etrit Berisha u shfaq optimist në prag të sfidës kundër Polonisë.

Ai tha se ekipi ynë i ka të gjithë mundësitë për të frenuar një nga lojtarët më  të rrezikshëm për portën tonë, siç është Lewandowskin.

“Përballë Lewandowskit? Polonia është ekip shumë i mirë, edhe pse ka disa lojtarë që nuk janë për shkak dëmtimesh. E rëndësishme është të bëjmë mirë si skuadër dhe nuk ka rëndësi kush luan. Kanë yje të nivelit të lartë si Leva, por jemi mësuar çdo javë të kemi përballë lojtarë të rëndësishëm, nesër duhet të luajmë si skuadër për të bërë mirë ndaj tyre”, tha portieri.

Ai kërkoi nga lojtarët të jenë kompakt dhe të zbatojnë më përpikëri detyrat e trajnerit Edoardo Reja.

“ Të jemi kompakt dhe të zbatojmë direktivat e trajnerit, kjo është mënyra më e mirë për të marrë rezultat”, shtoi ai.

Gardiani i portës së kombëtares beson se Shqipëria mund të arrijë të surprizojë skuadrën polake.

“Të kemi vetëbesim dhe më pas unë mendoj se mund ta surprizojmë Poloninë”, shtoi kapiteni i ekipit kombëtar”, shtoi ai.

Sot Shqipëria do të luajë ndeshjen e tretë të kualifikueseve të “Kupës së Botës” ndaj Polonisë në Varshavë.