Portierit të Brazilit i hiqen 2 kartonë të kuq nga VAR

Portieri i Liverpul, Alisson është bërë futbollisti i parë që i hiqen dy kartonë të kuq nga VAR.

Gjatë ndeshjes Ekuador-Brazil që përfundoi 1-1, ai u ndëshkua dy herë me të kuq, por pasi arbitri u konsultua me sistemin VAR, e anuloi vendimin.

29-vjeccari fillimisht mori të kuq në minutën e ’29, kur largoi një top jashtë zonë por pati kontakt me sulmuesin Enner Valencia.

Nga pamjet e përsëritura, arbitri ndryshoi mendim duke e ndëshkuar vetëm me karton të verdhë.

Pas kësaj, Alisson u ndëshkua me të kuq pas një faulli brenda zonës ku arbitri akordoi dhe penallti.

Sërish në ndihmë i erdhi VAR, duke bërë që vendimi të anulohet.

“Nëse nuk do të kishte VAR do të ishim ndëshkuar padrejtësisht”, tha Alisson pas ndeshjes.

“Mendoj se shokët e skuadrën më ndihmuan shumë pasi protestuan për vendimin e arbitrit”, ka shtuar ai.

Brazili ka siguruar kualifikimin për në botëror, ndërsa Ekuadori ndodhet aktualisht në vend të tretë pas Argjentinës dhe është shumë pranë kualifikimit.