‘Portret i pambaruar’, filmi për dashurinë në diktaturë nëpër kinema

Në kinema ka nisur të shfaqet Portret i Pambaruar i regjisorit Namik Ajazit.

Portret i Pambaruar është bazuar në histori të vërteta dashurie të djemve shqiptarë më vajzat e huaja.

Në këtë film, vajza e ambasadorit Italian në Tiranën e vitit 1980, bie në dashuri me një djalë të ri artist, nga ku nis drama: fytyra e egër e asaj kohe mbi dy të rinj të dashuruar.  

Puna për realizimin e këtij filmi artistik ka zgjatur 3 vite, duke na kthyer në Tiranën dhe jetën e dikurshme të qytetarëve. 

Antonio Kodrinaj është krye personazhi i cili futet nën petkun e një kohë që ai nuk e ka jetuar. 

Ky film nis në Romë dhe mbyllet ne Tiranë, me aktorë nga të dyja vendet. Raimonda Bulku, Gulielm Radoja, Alfred Trebicka, dhe aktori i mirënjohur italian Remo Girone në rolin e ambasadorit. 

Filmi do të shfaqet që të premten në Kinema Millemiun, e po ashtu edhe në kinematë në Kosovë.