Portugali, Gjykata Kushtetuese bllokon ligjin e dekriminalizimit të eutanazisë

Gjykata Kushtetuese e Portugalisë ka kthyer ligjin që dekriminalizon eutanazinë me argumentin se një pjesë e madhe e legjislacioneve janë të “pasakta”.

Ligji u miratua nga parlamenti portugez në janar të këtij viti.

Kjo lejon eutanazinë dhe vetëvrasjen e asistuar nga mjeku për pacientë më sëmundje terminale ose persona që kanë pësuar gjymtime të rënda.

Muajin e shkuar, presidenti Marcelo Rebelo de Sousa i kërkoi gjykatës të rishikonte ligjin përpara se të merrte miratimin e tij, duke u shprehur se legjislacioni mund të shkaktojë pasiguri ligjore.

Të hënën, shtatë gjykatës nga dymbëdhjetë që përmban trupa gjykuese ranë dakord se drafti kishte “mangësi” ndaj vendosën ta kthejnë atë.

Gjykata u shpreh se projektligji është i pasaktë pasi nuk identifikon rrethanat në të cilat mund të fillohen procedurat e vetëvrasjes së asistuar nga mjeku dhe nuk përkufizohej domethënia e frazës “person që po përjeton vuajtje ekstreme”.

Rregullat se kur mund të aprovohet eutanazia duhet të jenë “të qarta, të përpikta dhe të kontrollueshme”, shtoi trupa gjykuese.

Partia Socialiste, e cila ka mbështetur ligjin, tashmë ka mundësinë që të reduktojë ligjin përpara se drafti të kalohet sërish për votim në parlament.

Nëse ligji kalohet në parlament, Portugalia do të bëhet vendi i katërt në Europë që ligjëron eutanazinë, pas Belgjikës, Holandës dhe Luksemburgut.