Portugalia heton keqpërdorimin e të dhënave personale të refugjatëve ukrainas

Policia portugeze kontrolluai një qendër për mbështetjen e refugjatëve ukrainas si pjesë e një hetimi mbi keqpërdorimin e dyshuar të të dhënave përsonale të tyre.

Dy shoqërues pro-rusë akuzohen për mbledhjen dhe ndarjen e paligjshme të të dhënave personale të dhjetëra refugjatëve.

Ambasadorja e Ukrainës në Portugali, Inna Ohnivets, ka pohuar se informacioni personal i regjistruar do të ishte “me interes për inteligjencën ruse”.

Policia tha se ata kishin bastisur ndërtesat në Setúbal të lidhura me Edinstvo, një shoqatë për migrantët e Europës Lindore, ku sekuestruan një numër dokumentesh.

Sipas mediave portugeze, dy shtetasit pro-rusë kishin fotokopjuar dokumentat personale të refugjatëve duke i pyetur për vendodhjen e anëtarëve të familjes që ndodhen në Ukrainë.

Presidenti portugez, Marcelo Rebelo de Sousa, ka bërë thirrje për një hetim mbi proçesin e komunës së mirëseardhjes së refugjatëve.

Kryeministri António Costa, kishte shprehur më parë mbështetjen e tij për një hetim mbi keqpërdorimin e dyshuar të të dhënave, i cili tha se “çdo shkelje e të drejtave themelore do të merret me seriozitetin më të madh”.

Portugalia ka mirëpritur deri më tani rreth 36,000 refugjatë ukrainas që nga fillimi i luftës më 24 shkurt.

Autoritetet në Lisbonë janë gjobitur edhe më parë për ndarjen e të dhënave të protestuesve antiqeveritar rusë me ambasadën e vendit.

LEXONI GJITHASHTU

• Mbi 5,5 milionë refugjatë janë larguar nga Ukraina, sipas OKB-së
• Mbi 3000 refugjatë humbën në kalimet detare për në Evropë, thotë OKB