Portugalia lë në fuqi masat kundër Covid-19! Çfarë pritet të sjellë vjeshta?

Të gjithë mund të udhëtojnë në Portugali për të bërë pushimet e verës, ndonjëse autoritetet vendase kanë ndërmarrë një tjetër vendim, atë të zgjatjes së rregullave anti-covid që janë në fuqi.

Rregullat e pandemisë do të jenë aktive deri në fund të muajit gusht, por mbetet sërish portë e hapur për të gjithë turistët.

Që nga muaji korrik vendi ka mirëpritur vizitorët, pavarësisht nga statusi i tyre i vaksinimit, pa pasur nevojë të bëjnë një test apo të plotësojnë ndonjë formular.

Gjendja e jashtëzakonshme është ende aktive, vendim i cili u zgjat nga Këshilli i Ministrave Portugez  deri në 31 gusht.

Rregullat parashikojnë që të gjithë personat mbi 10 vjeç duhet të mbajnë barriera mbrojtëse  në transportin publik dhe në taksi.

Autoritetet njoftuan se “masa të tjera shtesë” mund të shtohen në vjeshtë nëse pandemia e covid-19 do të rrisë eksponencialisht infektimet.