UEFA i beson teknologjinë gjysmë-automatike finales së Realit me Eintracht Frankfurt

Teknologjia gjysmë-automatike e pozicionit jashtë loje, do të jetë një risi e cila pritet të implemetohet në superkupën e UEFA-s mes Real Madrid dhe Eintracht Frankfurt

Përfaqësuesit ekzekutivë të UEFA-s pohojnë se përballja mes kampionët të Champions League dhe Europa Leeague do të ndiqet me interes edhe për shkak të hedhjes në zbatim të teknologjisë inovative.

Sistemi i ri do të funksionojë falë kamerave të specializuara të afta të gjurmojnë 29 pika të ndryshme në trup për çdo lojtar.

Nga viti 2020 e deri më tani janë kryer në total 188 teste me sistemin që tani është gati për tu instaluar në stadiumet e skuadrave të Ligës së Kampionëve. Teknologjia do të përfshihet në kompeticionet e UEFA-s duke nisur nga sezoni i ardhshëm. Më konkretisht, ajo do të përdoret në fushën e lojës që në fazën e grupeve të Champions League.

Përballja mes Real Madrid dhe Eintracht Frankfurt do të mbahet  në stadiumin Olimpik të Helsinkit, të shtunën e 10 Gushtit. Ndërkohë, teknologjia gjysmë-automatike e pozicionit jashtë loje do jetë risia e madhe në Kupën e Botës të Katarit 2022, që do të luhet nga 21 Nëntori deri më 18 Dhjetor.