Prej 10 ditësh e zhdukur, gjendet e vdekur avokatja në Ekuador

Një avokate e re në Ekuador u gjet e pajetë pasi kishte vizituar një shkollë trajnimi policor.

María Belén Bernal, 34 vjeçe u zhduk 10 ditë më parë pasi shkoi të takonte burrin e saj në objektin në kryeqytetin Quito.

Burri i saj është i dyshuari kryesor për vrasjen e saj dhe është në arrati, thotë policia.

Vdekja e zonjës Bernal ndezi protesta në një vend që thuhet se ka parë më shumë se 200 vrasje grash këtë vit.

Zyrtarët thanë se trupi i pajetë u gjet në një kodër 5 km nga shkolla e trajnimit në fjalë.

Duke komentuar zbulimin e zymtë, presidenti Guillermo Lasso tha se lajmi i shkaktoi atij “dhimbje dhe indinjatë të thellë”, duke u zotuar se vrasja e saj nuk do të kalonte pa u ndëshkuar.

Në një postim në Twitter, ai i ka dërguar ngushëllimet nënës dhe djalit të vogël të viktimës.

LEXONI GJITHASHTU:

• ‘Sulm i koordinuar’, eksperti i sigurisë tregon ku gjendet serveri që hakeroi TIMS
• Aleati i Putinit gjendet i vdekur bashkë me gruan dhe vajzën