Premier League, Manchester United ngjitet në vendin e dytë falë Marcus Rashford

Me një gol të Marcus Rashford në minutat shtesë Manchester United arriti të fitojë 1-0 përballjen me Wolverhampton e të ngjitet përkohësisht në vendin e dytë të kampionatit anglez.

Të kuqtë e Ole Gunnar Solskjaer nuk i përmendin fjalët “luftë për titull”, mirëpo ata mbeten 2 pikë pas Liverpoolit kryesues.

Që prej humbjes me Arsenalin në fillim të muajit nëntor, United ka fituar shtatë nga nëntë ndeshje në Premier League ndërkohë që Bruno Fernandes vijon të shtojë faktet se ai është lojtari më i volitshëm i shtuar projektit të Solskjaer.

Prej muajit shkurt kur luajti ndeshjen e parë, portugezi është përfshirë direkt në 32 gola – 18 realizime dhe 14 asiste, – më shumë se kushdo lojtar tjetër.

Në ndeshjet e tjera, Arsenali realizoi një tjetër fitore duke i dhënë entuziazëm trajnerit Mikel Arteta.

Pas shtatë javësh pa fitore, Topçinjtë e Londrës fituan derbin me Chelsea dhe i shtuan kësaj kthese edhe fitoren me Brighton të martën mbrëma. Lacazette ishte autor i golit të vetëm dhe i bën bardhekuqtë ta mbyllin vitin me një gjysmë-buzëqeshje teksa Arsenali ngjitet tashmë në vendin e 13-të.

Lexoni gjithashtu:

NBA, Milwaukee Bucks shënojnë fitore me rekord historik ndaj Miami Heat