Presidenti i Koresë së Jugut, Yoon Suk Yeol, ka mbrojtur vendimin e tij për të shpallur ligjin ushtarak javën e kaluar, duke thënë se ai e bëri këtë gjë për të mbrojtur demokracinë e vendit.

Në një fjalim që mbajti këtë të enjte, ai tha se përpjekja ishte një vendim ligjor për të “parandaluar kolapsin” e demokracisë dhe për të kundërshtuar “diktaturën parlamentare” të opozitës.

Yoon ka sugjeruar se ai nuk do të tërhiqej përpara një votimi të dytë.

“Unë do të qëndroj i vendosur nëse do të jem i fajësuar apo i hetuar, do të luftoj deri në fund”, tha ai.

Presidenti dhe aleatët e tij po përballen me hetime mbi akuzat për kryengritje dhe disa prej tyre janë të ndaluar të largohen nga Koreja e Jugut.

Nga ana tjetër, Yoon ka mohuar akuza të tilla se urdhri i tij për ligjin ushtarak ishte një akt kryengritjeje, duke pretenduar se rivalët e tij politikë tani po krijonin “nxitje të rreme” për ta rrëzuar atë.

Gjatë fjalimit të tij, Presidenti i Koresë së Jugut tha gjithashtu se opozita ishte e rrezikshme dhe se duke marrë kontrollin, ai ishte përpjekur të mbrojë demokracinë.

Megjithatë, Yoon shtoi se ai nuk do t’i shmangej “përgjegjësive të tij ligjore dhe politike”.