Presidenti iranian i krahason protestuesit me armiqtë e shtetit

Përballë protestave antiqeveritare, regjimi iranian organizoi protesta në Teheran ku qindra demonstrues shprehën mbështetjen e tyre për Ajatollahun dhe detyrimin që gratë të mbulohen. Ata bënë thirrje që të gjithë ata që protestojnë kundër mbulimit të ekzekutohen.

Presidenti iranian i krahasoi protestuesit me armiqtë e shtetit.

“Armiqtë duan të krijojnë trazira dhe përplasje. Ata mendojnë se me këto lëvizje mund të ndalojnë kombin. Ne kemi deklaruar shumë herë se nëse dikush ka një koment të drejtë, ne do ta dëgjojmë. Por anarkia? Shqetësim i sigurisë kombëtare? Siguria e njerëzve? Askush nuk do t’i nënshtrohet kësaj”, u shpreh Ebrahim Raisi.

Sipas autoriteteve, pas të paktën një jave protestash për shkak të vdekjes së Mahsa Amini e cila u burgos se kishte veshur keq hixhabin janë vrarë të paktën 26 protestues.

Në solidaritet me kryengritjet në Irani protesta ka patur edhe në vende të tjera, dhjetëra iranianë që jetojnë jashtë vendit prenë flokët dhe dogjën hixhabin përpara ambasadës iraniane në Bruksel.

Protesta ka pasur edhe në të tjera shtete në Turqi, Norvegji, SHBA e të tjera vende.

LEXONI GJITHASHTU:

• Protestat masive| Irani bllokon internetin, Musk aktivizon Starlink
• Pse Irani shënjestroi Shqipërinë me sulmet kibernetike? Përgjigjet Rama
• Sulm kibernetik ndaj TIMS, Burimi: Cenohet siguria e institucioneve dhe pushtetarëve