Presidenti kolumbian mohon bashkëpunimin me bandat: Manipulim i opinionit publik

Presidenti kolumbian, Gustavo Petro ka mohuar çdo bashkëpunim midis zyrtarëve të inteligjencës dhe ushtrisë me një grup rebel. Petro ka akuzuar CIA-n se po përpiqet të manipulojë opinionin publik të vendit.

Rrjeti Caraco publikoi raporte të bisedave dhe komunikimeve midis një oficeri të lartë ushtarak dhe një zyrtari të lartë të inteligjencës, të cilat sipas tyre jepnin informacione të rëndësishme. Sipas Caracol, Gjenerali Juan Manuel Huertas dhe një oficer i inteligjencës, Wilmar Mejia, dyshohet se po planifikonin të krijonin një kompani private sigurie që do t’u lejonte guerilëve të lëviznin me automjete të blinduara, të mbanin armë dhe të shmangnin kontrollet.

Presidenti theksoi se ky informacion është i rremë. Skandali vjen ndërsa SHBA-të po ushtrojnë presion të fortë mbi qeverinë e Petro, duke gjykuar se ajo nuk po bën mjaftueshëm për të luftuar trafikun e drogës në vendin që renditet i pari në botë për sa i përket prodhimit të kokainës.

Presidenti amerikan, Donald Trump ka akuzuarhomologun e tij kolumbian Petro se është një lord droge dhe se qeveria e tij i ka hequr Kolumbisë certifikimin e saj si aleat në luftën kundër trafikut të paligjshëm të drogës, duke prerë kështu miliona dollarë ndihmë nga Uashingtoni për Bogotën.

LEXONI GJITHASHTU:

• 10 të vdekur dhe 6 të zhdukur nga përmbytjet dhe rrëshqitjet e dheut në Indonezi
• Ndalimi i mediave sociale në Australi, adoleshentët ankimim në Gjykatën e Lartë