Presidentja Osmani pret në takim Alice Albright, çfarë diskutuan

Presidentja e Kosovës, Vjosa Osmani, ka takuar sot kryeshefen ekzekutive të Korporatës së Sfidave të Mijëvjeçarit (MCC), Alice Albright.

Mediat e Kosovës  bëjnë me dije se Osmani e ka falënderuar Albright dhe MCC-në për punën dhe përkushtimin për fillimin e suksesshëm të Programit Kompakt për Republikën e Kosovës.

Sipas asaj që ka deklaruar Osmani ky projekt do ta vendosë Kosovën në hartë si shembull për të gjithë rajonin dhe më gjerë për sa i përket investimeve në sektorin e energjisë.

“Ajo vlerësoi se investimi në bateri do të ndikojnë në lehtësimin e tranzicionit energjetik dhe integrimit më të shpejtë të burimeve të ripërtërishme të energjisë në sistemin energjetik, përderisa, ngritja e kapaciteteve të fuqisë punëtore e në veçanti të grave, do të ndikoj në krijimin e burimeve të nevojshme njerëzore për implementim të suksesshëm të projekteve inovative”- thuhet në njoftimin e dalë nga presidenca e Kosovës.

Në takim, presidentja Osmani ka folur po ashtu për  miqësinë e palëkundur në mes të Kosovës dhe Shteteve të Bashkuara, duke theksuar se programi i ri me MCC-në do të shënojë një kapitull të ri që konfirmon edhe njëherë raportin e veçantë ne mes të dy vendeve tona.

LEXONI GJITHASHTU: 

• Avioni luftarak përplaset me ndërtesën shumëkatëshe në Rusi
• 3 ish-presidentët e Shqipërisë në Hagë, Pacolli tregon pse nuk ftoi Vjosa Osmanin