“Presim afrim për dialogun”, raportuesja Von Cramon: Kosova përmbushi kushtet për vizat

Raportuesja për Kosovën në Parlamentin Evropian, Viola Von Cramon në një bashkëbisedim me gazetarët në Prishtinë është shprehur se bashkimi Evropian pret nga Kosova dhe Serbia që të kenë pritshmëri më të larta për sa i përket dialogut, i cili mund të zgjidhet vetëm nëpërmjet negociatave dhe bisedimeve.

“Ne duhet të kemi zotimin nga kjo qeveri se ata janë të gatshëm për këtë dialog dhe se do të punojmë mbi marrëveshjet ekzistuese, asgjë tjetër nuk ka rëndësi. Nëse dikush vjen me propozime të reja është shumë mirë edhe për audiencën e brendshme, është mirë për idetë e reja, por natyrisht nuk mund të jeni kundër marrëveshjeve ekzistuese”, u shpreh Von Cramon.

Gjithashtu, Von Cramon u shpreh se tashmë Kosova i ka përmbushur kushtet për liberalizimin e vizave dhe se i vjen keq që disa vende të Bashkimit Evropian nuk e marrim në konsideratë, përfshirë këtu edhe mesazhet që solli kryeministri Albin Kurti nga Franca.

“Unë kam shpresuar që gjatë presidencës së Gjermanisë në BE vitin e kaluar kemi mundur ta kemi këtë temë në agjendë teksa të gjithë e dimë që Kosova i ka përmbushur kushtet teknike edhe komisioni dhe shtetet e tjera do të dëshironin që të marrin dritën e gjelbër për liberalizim të vizave. Në fund të fundit është çështje e Këshillit të Evropës dhe në këtë pikëpamje ka disa anëtarë të këshillit që janë ende skeptikë dhe hezitojnë. Siç keni mundur ta shihni nga vizita e kryeministrit në Francë, nga qeveria franceze nuk morën premtime që kjo do të ndodhte”, theksoi ajo.

LEXONI GJITHASHTU:

“Vizat, në këmbim të dialogut”, Von Cramon: Ndryshimi i kufijve do të ishte toksik

Von Cramon: BE të heqë vizat për Kosovën, të furnizohet sa më parë me vaksina

Fshirja e adresave të shqiptarëve, Viola von Cramon: Problem i madh që duhet të adresohet urgjentisht në Beograd